Poetry Wallpapers Free download in urdu for facebook for desktop in english wasi shah images mobile: poetry Wallpaper Urdu,

poetry Wallpaper Urdu

Free download in urdu for facebook for desktop in english wasi shah images mobile

Source:- Google.com.pk

Main ne aghaz se anjam e safar jana he
Sab ko do char qadam chal ke theher jana he

Gham wo sehraey tamanna ke baguley ki tarha
Jis ko manzil na mili us ko bikhar jana he

Teri nazron me meray dard ki qimat kia thi
Meray daman ne to aansu ko gohur jana he

Ab ke bichrey to na pehchan saken ge chehray
Meri chahat teray pindar ko mar jana he

Ye waqt bhi ana tha,ab to gosh bar awaz he
Or meray ba rabt e dil me sada koi nahin

Aa ke ab tasleem kar len,tu nahin to main sahi
Kon maney ga ke ham me be wafa koi nahin

Waqt ne wo khak urai he ke dil ke dasht se
Qafley guzrey hen phir bhi naqsh e pa koi nahin

Wafa ke khawab mohabbat ka aasra le ja
Agr chala he to jo kuch mujhe dia le ja

Maqam e sood o zayan agaya he phir janan
Ye zakhm meray sahi teer to utha le ja

Yehi he qismat e sehra yehi karam tera
Ke boond boond ata kar ghata ghata le ja

Jism shola he jabhi jama sada pehna
Meray suraj ne bhi badal ka libada pehna

Silwaten hen meray chehray pe to hairat kiun he
Zindagi ne mujhe kuch tum se ziada pehna

Khwahishen yun hi barhana hon to jal bujhti hen
Apni chahat ko kabhi koi irada pehna

Main ke phir dasht e rafaqat ka safar kar aya
Kia kahun ke kitni aziat se guzar kar aya

Har koi ham se mila umr e gurezan ki tarha
Wo to jis dil se bhi guzra wahin ghar kar aya

Tum ne ik sang uthaya meray aainey per
Or har shakhs ko main aaina gar kar aya

Or hamen dard ki manzil pe pohnchne waley
Keh rahey hen ke isey or bhi asan karo
Ta k ham apney paraye ko bhi pehchan saken
Or kuch dost isi rah me qurban karo

Sham ay he hamesha yehi lali le kar
Jo kabhi khun e tamanna kabhi gulzar lagey
Itni aashufta na thi khawahish yaran pehley
Ab to har jazba e aasuda bhi talwar lagey

Abr e bahar ab ke bhe barsa prey prey
Gulshan ujaar ujaar hen jangal harey harey

Janey ye tashnagi he hawas he ke khud kushi
jaltey hen sham hi se jo saghar bharey bharey

Hai dil ki maut ahd e wafa ki shikastagi
Phir bhi jo koi tark e mohabbat krey krey

Zulf raton si he,rangat he ujalon jesi
Per tabiat he,wohi bhulne walon jesi

Ik zamane ki rafaqat pe bhi ram khurda he
Us kam amez ki khu bu he ghazalon jesi

Dhundta phirta hun logon me shabahat us ki
Ke wo khawabon me bhi lagti he khayalon jesi

Dost bhi dushman na thay dil bhi adu mera na tha
Ye to mujh per ab khula zalim ke tu mera na tha

Is tarha khush ho raha hun jashn e maqtal dekh kar
Jis tarha her nok e khanjar pe lahu mera na tha

Apne apne bewafaon ne hamen yakja kia
Warna main tera nahin tha or tu mera na tha

Wo kahin bhi chor jata kia gila us se ke wo
Ik musafir tha shareek e justuju mera na tha

Ab to khud se bolte me khof ata he faraz
Itna dil azaar tarz e guftagu mera na tha

Noha garon me deeda e tar bhi usi ka tha
Mujh per ye zulm bar e digar bhi usi ka tha

Dekha mujhe to tark e taluq ke bawujood
Wo muskura dia ye hunar bhi usi ka tha

Aankhen kushad o bast se badnam ho gaen
Suraj usi ka khawab e seher bhi usi ka tha

Jis simat bhi dekhun nazar ata he ke tum ho
Ae jan e jahan ye koi tum sa he ke tum ho

Ye khawab he,khushbu he ke jhonka he ke pal he
Ye dhund he, badal he ke saya he ke tum ho

Is deed ki saa’at me kai rang hen larzaan
Main hoon ke koi or he, dunya he ke tum ho

Dekho ye kisi or ki aankhen hen ke meri
Dekhun ye kisi or ka chehra he ke tum ho

Barson ke baad dekha ik shakhs dilruba sa
Ab zehn me nahin he per nam tha bhala sa

Abroo khichey khichey se ankhen jhuki jhuki si
Baaten ruki ruki si lehja thaka thaka sa

Alfaz thay ke jugnu awaz ke safar me
Ban jae janglon me jis tarha rasta sa

Khawabon me khawab us ke yadon me yad us ki
Neendon me ghul gaya ho jesey ke ratjaga sa

Free download in urdu for facebook for desktop in english wasi shah images mobile